Noite de Morcegos no Pazo de Mariñán 2026

A última semana de agosto de cada ano celébrase en máis de 30 países a Noite Europea dos Morcegos.

A Deputación da Coruña únese a esta efeméride e celebrará no solpor do 28 de agosto de 2026 a II NOITE DE MORCEGOS, nos xardíns e no bosque do Pazo de Mariñán (Concello de Bergondo).

Esta actividade é de balde e aberta a toda aquela persoa que queira asistir.

• LUGAR: Pazo de Mariñán (Concello de Bergondo)
• DATA: 28 de agosto de 2026.
• HORARIO: de 20:00 a 22:30 horas.
• PRAZAS: 30
• PERSOAS DESTINATARIAS: Esta actividade é de balde e aberta a toda aquela persoa que queira asistir, adultos e crianzas acompañadas.
• DESCRICIÓN DA ACTIVIDADE:
• 20:00 h. Charla de introdución ao mundo dos morcegos, a súa importancia e conservación.
• 21:00 h. Ao solpor, realizarase un paseo polos xardíns e bosque do Pazo, para ver e escoitar aos morcegos durante a súa actividade. Co apoio de detectores de ultrasóns e cámaras térmicas, poderanse escoitar os sons, e saber do comportamento, das distintas especies que habitan o lugar, así como ver aos morcegos en voo.
• FORMA DE INSCRICIÓN: Cubrindo o seguinte formulario_Pincha aquí 

IMPARTE: Morcegos de Galicia.