Histórico

Adolfina e Rosa Casás Rama, Eva Castiñeira, Manuela Lema, Teresa García Prieto e Prudencia e Asunción Garrido Ameixenda

A Deputación da Coruña ofreceu unha programación anual con motivo do Día das Letras Galegas 2025, adicado á poesía popular oral e protagonizado cinco mulleres cantareiras, todas elas da provincia da Coruña: Adolfina e Rosa Casás Rama, de Cerceda; Eva Castiñeira, de Muxía; e Manuela Lema, Teresa García Prieto e Prudencia e Asunción Garrido Ameixenda, integrantes das Pandeireteiras de Mens, de Malpica de Bergantiños.

• Presentacións do Cancioneiro galego serodio 1989 – 2011 de Xabier Díaz nos meses de abril e maio en Trazo, Dodro, Carballo e Vimianzo.
• Concertos Efémeras de Cantometrics no mes de maio en Noia, Carballo e Ortigueira.
• Concertos de Zavala + Atalaias de Caión en outono.
• Concerto das pandeireteiras de Xacarandaina en Fisterra, Betanzos, San Sadurniño e Arteixo.
• Concertos polo 25 aniversario de Donaire en Mazaricos, Melide, As Pontes, Teo e Ribeira.
• Proxección do documental Lévame a idea de Navíos e folerpas en 10 concellos.
• Representacións teatrais de Tanxarina + A Biblioteca Galáctica Contra a IA Fantástica en Rois e Cabana de Bergantiños.
• Contacontos ilustrados e musicados da obra Cantareiras. Poesía popular nas letras galegas para nenos e nenas de infantil e primaria.
• Presentación do Manual de boas prácticas para o marco legal e de xestión da música de tradición oral.
• Adquisición dos libros Pandereteiras de Mens (Beatriz Busto Miramontes); Cancioneiro galego serodio 1989 – 2011 (Xabier Díaz) e A biblioteca Galáctica contra a IA Fantástica (Carlos Labraña) para repartir en diferentes puntos da provincia.

Programación completa