Grupos de conversa en galego Falarmos... nós!
Esta rede provincial de grupos de conversa en galego busca fomentar o uso oral da lingua entre persoas que a coñecen pero non a empregan habitualmente, ben por falta de apoio no seu entorno social ou ben por seren persoas chegadas de fóra que aínda están en proceso de aprendizaxe.
Os grupos de conversa xeran contornas seguras nas que perder o medo a falar e recuperar a confianza no uso do galego, fóra de contextos formais ou académico. Non son clases de lingua, pois non se impartirán contidos gramaticais nin ortográficos, senón que se fomentará a práctica da conversa nun ambiente seguro e participativo.
Estes grupos están dirixidos tanto a persoas que saben falar galego pero non o usan de maneira habitual nas súas interaccións sociais como a persoas que se atopan nun proceso de adquisición da competencia oral e contan cunha boa capacidade de comprensión e de expresión básica. O obxectivo final é incrementar o uso da lingua galega nas relacións sociais cotiás, máis alá do propio ámbito do grupo de conversa.
A rede está aberta á participación de entidades da Administración pública local (a través dos servizos de normalización lingüística, bibliotecas municipais, OMIX...), así como entidades sociais, independentemente do seu ámbito de actuación.