O galego e as redes sociais

Este programa dirixido aos centros escolares da provincia ten como obxectivos principais fomentar o uso da lingua galega no ámbito dixital e promover a creación de contidos en galego nas redes sociais entre a mocidade. 

A Deputación da Coruña, a través da súa área de Lingua, colabora nesta campaña de dinamización lingüística con Borxa González (Orgullo Galego) para lle achegar a lingua galega á mocidade a través das canles e ferramentas propias do ecosistema dixital. Nesta edición de 2026, incorpora a música como elemento central para visibilizar a infinidade de bandas e propostas musicais exitosas en galego presentes nas plataformas.