II Encontro de profesionais de normalización lingüística no eido local (2026)
A Sección de Normalización Lingüística da Deputación da Coruña organizou o 4 de xuño de 2026 este espazo de encontro, cohesión e inspiración para o persoal técnico de normalización lingüística nos concellos da provincia da Coruña, financiado ao abeiro da súa convocatoria de subvencións no Pazo de Mariñán, en Bergondo.
Obxectivos xerais
- Facilitar un diálogo de calidade no que indagar colectivamente sobre as posibilidades da figura do persoal técnico de normalización lingüística para a activación de falantes nas infancias e adolescencias.
- Dar a coñecer accións de activación de falantes nas infancias e adolescencias e experiencias replicables ou das que tirar aprendizaxes para outros contextos, que inspiren á acción do traballo do persoal de NL da administración local.
- Xerar un espazo de coñecemento mutuo e cohesión entre profesionais do eido da normalización lingüística na provincia e visibilizar a Deputación da Coruña como institución que traballa pola innovación nas políticas públicas en materia de normalización lingüística.
Programa
| 10.00 h | Recepción de participantes, presentación e apertura institucional | Sol Agra, deputada de Lingua |
| 10.15 h | Tecer redes desde a lingua. Un marco teórico sobre identidade lingüística e cultural nas infancias e adolescencias | Natalia Cea |
| 11.00 h | Retos e oportunidades para a lingua. Mesa redonda de experiencias inspiradoras (Vídeo) | Gabino S. Vázquez Grandío, de Modo Galego, Marcos Abalde Covelo, de Brincarmos, e Oskar Bikuña, de HIGA |
| 12.00 h | Descanso | |
| 12.30 h | Retos e oportunidades para a lingua II. Coloquio facilitado ao redor das experiencias da mesa redonda | |
| 13.15 h | Diálogo aberto coa Deputación | Presentación de proxectos das áreas de Lingua e Cultura da Deputación da Coruña: |
| 14.00 h | Xantar | |
| 16.00 h | Traballando coa lingua. Espazo participativo prototipado de propostas para a intervención con infancias e adolescencias | Rexenerando S. Coop. Galega |
| 18.00_h | Peche e despedida |