Estás en:Novas

Modificación das bases de subvencións vinculadas ao Proxecto Talento Interxeracional

intervencion 13 de Decembro de 2022

ORDE do 2 de decembro de 2022 pola que se modifica a Orde do 14 de setembro de 2022 pola que se establecen as bases reguladoras e se convocan subvencións, de carácter plurianual e en réxime de concorrencia competitiva, dirixidas a entidades de acción voluntaria e entidades locais de Galicia para a elaboración e execución de proxectos de voluntariado interxeracional no medio rural vinculados co proxecto piloto Talento interxeracional, no marco do Plan de recuperación, transformación e resiliencia, financiado pola Unión Europea-NextGenerationEU, para os anos 2022 e 2023 (código de procedemento BS508E).

Resumo:

«1. Unha vez notificada a resolución de concesión da axuda, e ata as datas límite que se establecen para a presentación da xustificación correspondente a cada anualidade, as entidades beneficiarias presentarán a xustificación ante a dirección xeral competente en materia de xuventude e voluntariado referida á totalidade do proxecto avaliado pola comisión de acordo coa súa planificación plurianual e co indicado nesta orde.

Neste sentido, as actividades que se desenvolvan no ano 2022 xustificaranse non máis tarde do 30 de decembro de 2022 e as programadas para o exercicio 2023 xustificaranse dentro deste exercicio e non máis tarde do 1 de novembro de 2023».