Día Internacional do Orgullo LGTBQIA+
O próximo 28 de xuño é o Día do Orgullo LGTBQIA+ e, desde a Biblioteca Provincial, preparamos recomendacións de lectura e recursos informativos para sumármonos á celebración da diversidade e o respecto aos dereitos das persoas.
O Día Internacional do Orgullo, refírese a unha xornada na que ten lugar unha serie de accións reivindicativas da comunidade LGTBQIA+, co gallo de reafirmaren a súa orientación sexual, reivindicaren os seus dereitos e mais para faceren denuncia das actitudes homófobas.
A mensaxe do «orgullo LGTB+» consiste en que ningunha persoa debe sentir vergoña do que é, sexa cal for o seu sexo ou orientación sexual.
Na Biblioteca sumámonos a esta reivindicación e preparamos algúns recursos relacionados coa diversidade sexual e os dereitos das persoas
- Na eBiblioDaCoruna seleccionamos diversos recursos
- En Páxinas de orgullo, o club de lectura de eBiblioDaCoruna especializado en LGTBiQ+, compartimos a lectura En vías de extinción, de María Reimóndez. O 1 de xullo teremos un encontro coa autora a través de videochamada.
- Nas diversas seccións da Biblioteca tamén vos agardan recunchos temáticos para levar en préstamo.