Hijas del miedo
Os Clubs de lectura dixital, da Biblioteca Provincial da Deputación da Coruña, seguen o seu percorrido
Nesta ocasión, temos nova lectura na sala Tinta e equidade (Do 24 de novembro ao 15 de decembro)
Acompáñasnos nesta nova singradura?
Comezamos lectura no club dixital eBiblioDaCoruna, na sala Tinta e equidade:
- Obra: Hijas del miedo
- Autora: Asociación de Mulleres Xuízas de España
- Sala: Tinta e equidade
- Moderadora: Maitane Vicente
Sobre a obra
Fillas do medo é un libro escrito por xuízas no que se recompilan relatos reais de mulleres vítimas de violencia de xénero. As protagonistas comparten como se senten ao enfrontarse ás agresións e ao temor de que a xustiza non as crea nin actúe para protexelas.
A través dos relatos, as expertas denuncian a violencia contra as mulleres a nivel mundial e esixen políticas efectivas para a súa erradicación, visibilizando o sufrimento e loitando por un cambio profundo no sistema xudicial e social.
Sobre as autoras
A Asociación de Mulleres Xuízas de España (AMJE) céntrase na defensa dos dereitos das mulleres e das e dos menores co obxectivo de axudar a mellorar o seu nivel de vida, promocionar e defender os seus dereitos fronte á constatación dunha xeneralizada desigualdade por razón de xénero, así como a existencia de violencia fronte ás mulleres e as nenas.
---
Se aínda non formas parte do club de lectura, dáte de alta! Poderás compartir e comenta desde calquera lugar e en calquera momento.
Info e alta aquí: https://dacoruna.gal/biblioteca/ebibliodacoruna/tinta-e-equidade
Animádevos!