Histórico
Luísa Villalta
Coruñesa do ano 1957, licenciouse en Filoloxía Galego-Portuguesa e Hispánica pola USC.
Ademais, era titulada superior en violín e formou parte da Orquestra Xove de Galicia e da Orquestra de Santiago de Compostela, así como doutros grupos de cámara.
Foi unha escritora prolífica e versátil, autora de poesía, narrativa, ensaios, pezas dramáticas, textos xornalísticos e tradutora. Paralelamente á súa traxectoria como autora, desenvolveu unha intensa actividade cultural. Participou en seminarios, recitais de poesía, deu conferencias e colaborou en numerosas publicacións periódicas.