Formoso destaca o papel do parque empresarial de Agrela como "motor económico da Coruña"
O presidente provincial participou no acto de celebración do 50 aniversario da Asociación de Empresarios de Agrela
O presidente da Deputación da Coruña, Valentín González Formoso, destacou hoxe o papel do parque empresarial de Agrela como "motor económico" da Coruña no acto de conmemoración do 50 aniversario da Asociación de Empresarios de Agrela.
Formoso lembrou que este foi o primeiro polígono industrial de Galicia "e hoxe segue a ser un referente, con máis de 500 empresas instaladas, que xeran máis de 20.000 empregos directos".
O presidente incidiu tamén na importancia do asociacionismo empresarial como "o cemento que permite desenvolver un parque empresarial líder como o de Agrela" e lembrou que A Coruña foi pionera neste eido, sementando "o xerme do asociacionismo empresarial galego".
Formoso felicitou á entidade por este medio século de historia e desexoulles "moitos éxitos para o futuro, que serán os éxitos de todos".
