Información relativa a multas

Puxéronme unha multa. Como consigo a carta de pago?

Ten as seguintes opcións para pedila

Chamando ao teléfono 981415900
Enviando un correo electrónico a atencion.tributaria@dacoruna.gal.
Presencialmente nunha das nosas oficinas(https://www.dacoruna.gal/atencion-cidada/canle-atencion/canle-atencion/#Atencion+ao+Contribuinte). Pode solicitar cita previa en https://www.dacoruna.gal/cita-previa ou chamando ao teléfono 981 415 900

Que prazo teño para poder aboar a multa coa redución do 50%?

Pode pagar a multa coa redución do 50% durante os 20 días naturais seguintes á data de notificación da denuncia. Este pago con redución implica que renuncia a formular alegacións, e en caso de facelas teranse por non presentadas.

Eu non conducía o vehículo, como podo identificar o condutor?

Ten un prazo de 20 días naturais desde a data da notificación da infracción, para identificar o condutor. Pódeo facer presentando un escrito:

Telematicamente través de nosa Oficina Virtual Tributaria (acceso libre) ou con certificado dixital, dni electrónico ou Cl@ve na nosa Sede Electrónica
A través de calquera dos medios de rexistro establecidos na Lei de procedemento administrativo
Presencialmente nunha das nosas oficinas(https://www.dacoruna.gal/atencion-cidada/canle-atencion/canle-atencion/#Atencion+ao+Contribuinte).Pode solicitar cita previa en https://www.dacoruna.gal/cita-previa ou chamando ao teléfono 981 415 900

No escrito de identificación teñen que constar unha serie de datos: nº de boletín da denuncia, matrícula do vehículo, nome do condutor, permiso de conducir e domicilio.

Que prazo teño para facer alegacións a unha multa de tráfico?

Ten un prazo de 20 días naturais desde a notificación da denuncia para presentar un escrito asinado coas alegacións, identificando o número de expediente e os datos do seu titular. Pode presentala:

Telematicamente con certificado dixital ou Cl@ve a través de nosa Oficina Virtual Tributaria ou da nosa Sede Electrónica
A través de calquera dos medios de rexistro establecidos na Lei de procedemento administrativo
Presencialmente nunha das nosas oficinas(https://www.dacoruna.gal/atencion-cidada/canle-atencion/canle-atencion/#Atencion+ao+Contribuinte).Pode solicitar cita previa en https://www.dacoruna.gal/cita-previa ou chamando ao teléfono 981 415 900

Recibín por parte da Deputación unha comunicación dunha multa do Concello da Coruña xa con recarga e é a primeira noticia que teño dela. Onde me podo informar?

O Concello da Coruña delegou na Deputación só a recadación das súas multas cando xa están con recarga, para solicitar información sobre ela e de como levou a cabo o procedemento sancionador así como se realizou a notificación do inicio ten que poñerse en contacto co Concello da Coruña

(Telefono 981189891 email: sancionestrafico@coruna.gal)

Recibín por parte da Deputación unha comunicación dunha multa do Concello de Santiago de Compostela xa con recarga e é a primeira noticia que teño dela. Onde me podo informar?

O Concello de Santiago de Compostela delegou na Deputación só a recadación das súas multas cando xa están con recarga, para solicitar información sobre ela e de como levou a cabo o procedemento sancionador así como se realizou a notificación do inicio ten que poñerse en contacto co Concello de Santiago (Telf. 881 599 977 de 8 a 20 h. en horario ininterrompido/981 542 384 de 9 a 14 h.) que é o organismo que xestiona as multas deste municipio.