Persoal de entidades ambientais son formadas pola Deputación da Coruña nas técnicas de seguimento e censo de fauna silvestre
A Sección de Medio Ambiente da Deputación organiza o curso, Técnicas de seguimento de fauna silvestre, ao que asistiron 40 alumnos e alumnas.
Mistura teoría na aula cunha saída pola contorna do Río Mandeo onde se aplicarán as técnicas aprendidas.
No actual contexto de cambio climático que está afectando de forma moi significativa á fauna silvestre, a Deputación da Coruña deseñou o curso, Técnicas de seguimento de fauna silvestre, coa finalidade de capacitar ao persoal que traballa, ou colabora, nas entidades ambientais da provincia, nas técnicas de seguimento e censo de fauna silvestre.
Na primeira xornada, impartida o sábado, 8 de novembro nunha aula de Afundación na Coruña, o alumnado aprendeu diversos sistemas invasivos e non invasivos de seguimento de fauna.
O sábado, 15 de novembro, darase información detallada do uso de aplicacións móbiles para a toma de datos e no uso dos Sistemas de Información Xeográfica (SIX). Aplicando as últimas tecnoloxías existentes ao campo da ecoloxía e do coidado da natureza.
Por último, o sábado, 22 de novembro, os/as participantes no curso realizarán unha saída ao campo, na contorna do Rio Mandeo, onde porán en práctica técnicas avanzadas de rastrexo e observación.
Este curso especializado está sendo impartido pola empresa Sorex Ecoloxía e Medio Ambiente, entidade punteira en Galicia nas investigacións sobre fauna silvestre e nos inventarios de fauna e vexetación para estudos de impacto ambiental.
Este curso forma parte doutras moitas actividades que a Deputación da Coruña está a realizar para protexer o medio natural e concienciar sobre a importancia da súa conservación.
Fotografías realizadas por Lucía Fernández Ramón, periodista.
