Área de Diversidade Funcional
Á área de Benestar Social da Deputación da Coruña levou a cabo o Programa de fomento da Accesibilidade "Di Coruña accesible" entre os anos 2018 e 2019 .
O estudo abordou todos os tipos de accesibilidade (física, cognitiva e sensorial) co obxectivo de detectar todas as necesidades queexistían e adoptar as medidas precisas que axuden a superar esta situación de desigualdade.
O programa constaba de diferentes fases nas que se analizaba, valoraba, informaba-formaba e pretendía proporcionar ferramentas para a incorporación de criterios de accesibilidade universal.
Dentro dos traballos previstos no Programa de fomento da accesibilidade "Di Coruña acccesible" estaban incluídas auditorías técnicas a todos os edificios da institución provincial, que se realizaron entre os meses de xullo e agosto de 2018.
Como continuación das actividades previstas dentro do programa leváronse a cabo catro actividades participativas e de sensibilización e concienciación sobre á materia da accesibilidade por parte do persoal da Deputación e dos concellos.
Estas actividades tiveron lugar entre os meses de setembro e outubro de 2018.
E como remate do proxecto elaboránronse 5 guías en materia de accesibilidade que están a disposición da cidadanía na web da Deputación Provincial.
Dentro das propostas contempladas no Informe executivo de dito programa, estaba prevista a realización dun protocolo de trato a persoas con discapacidade que abarque a todos os servizos e actuacións dentro da institución provincial.
No ano 2022 a Deputación da Coruña elaborou dito protocolo de trato en colaboración con COMBINA SOCIAL, a través de reunións e sesións formativas cos diferentes departamentos da institución provincial.
O resultado son os seguintes protocolos estructurados por ámbitos de traballo e materias:
1. Protocolo de trato instrucións xerais.pdf
2. Protocolo trato presencial.pdf
3. Protocolo trato telemático.pdf
4. Protocolo de trato xestión e soporte interno.pdf
NaS seguintes lIgazóns poderás consultar as guías en materia de accesibilidade elaboradas no marco do Programa de fomento da accesibilidade "Di Coruña accesible".
- GUÍA ACCESIBILIDADE UNIVERSAL
- GUÍA MEDIO FÍSICO URBANO E PLAN DE ACCESIBILIDADE
- GUÍA ACCESIBILIDADE NA EDIFICACIÓN E ERGONOMÍA LABORAL
- GUÍA COMUNICACIÓN INCLUSIVA
- GUÍA COMUNICACIÓN INCLUSIVA: CASOS PRÁCTICOS
- TRÍPTICO ACCESIBILIDADE UNIVERSAL
- TRÍPTICO COMUNICACIÓN INCLUSIVA
- TRÍPTICO EDIFICACIÓN E ERGONOMÍA LABORAL
- TRÍPTICO MEDIO FÍSICO E PLAN ACCESIBILIDADE
O próximo día 9 de decembro de 2019 celebraremos na Sala Juanjo Gallo do Pazo Provincial unha a xornada "Da diferenza á diversidade" na que contaremos con diferentes experiencias en relación coa diversidade funcional e a accesibilidade.
PROGRAMA XORNADA DA DIFERENZA Á DIVERSIDADE
A xornada está dirixida a persoal municipal e persoal das entidades sen ánimo de lucro que traballen ou estén interesados/as nesta materia.
Podedes inscribirvos ata o día 5 de decembro ás 14.00 horas enviando un correo electrónico cos vosos datos ó enderezo paula.filgueiras@dacoruna.gal.
Animádevos a participar, contamos con vós!!!
A Deputación da Coruña a través do Servizo de Acción Social, Cultural e Deporte, leva a cabo un Programa de Fomento da Accesibilidade na Deputación Provincial de A Coruña. A finalidade é achegar o programa a todas as áreas e actuacións desenvolvidas por parte da Deputación Provincial da Coruña.
Este estudo aborda todos os tipos de accesibilidade (física, cognitiva e sensorial) co obxectivo de detectar as necesidades que ten a institución provincial e adoptar as medidas precisas que axuden a superar a situación de desigualdade.
Para acadar a Accesibilidade Universal, será de aplicación a normativa técnica UNE 170001 de accesibilidade universal segundo os criterios DALCO, que ten en conta a Deambulación (acción de desprazarse), Aprehensión (acción de asir ou tomar algunha cousa), Localización (identificación dun lugar ou momento onde sucede algo) e Comunicación (permitir o intercambio de información); aspectos que repercuten nas capacidades utilizadas nas actividades realizadas en diferentes espazos e contornas.
Tendo en conta estes criterios e que a accesibilidade é exixible en todos os ámbitos sen importar se o titular é un ente público, privado ou particular; preséntanse cinco áreas de vital importancia nas que aplicar a accesibilidade:
- Accesibilidade no medio físico urbano
- Accesibilidade na edificación
- Accesibilidade na información e comunicación
- Accesibilidade nos procesos de xestión
- Accesibilidade no transporte
A desenvolver en varias fases, o programa consiste en analizar, valorar, informar-formar e proporcionar as ferramentas necesarias para a incorporación de criterios de accesibilidade universal nos diferentes departamentos da Deputación. Logo, trátase de proxectar e entender contornas, procesos, actividades, bens, produtos, servizos, obxectos, instrumentos, ferramentas e dispositivos de xeito que poidan ser utilizados por todas as persoas, independentemente do seu xénero, idade, capacidades ou cultura. Este proceso realizarase procurando a maior autonomía posible da persoa.
Para chegar a isto, a sociedade no seu conxunto ten a súa responsabilidade e, especialmente, os poderes públicos no seu labor por modificar contornas de modo que poidan ser utilizadas en igualdade de condicións por toda a cidadanía.
Para máis información poden consultar a páxina web do proxecto www.dicorunaaccesible.gal
| | |
LIÑAS DE ACTUACIÓN
Nas convocatorias de subvencións para entidades sen ánimo de lucro fináncianse as seguintes liñas de actuación:
SERVIZOS SOCIAIS NA ÁREA DE DIVERSIDADE FUNCIONAL
Códigos:
- ED-1 Transporte adaptado
- ED-2 Eliminación barreiras
- ED-3 Centros residenciais
- ED-4 Centros ocupacionais
- ED-5 Centros de día
- ED-6 Vivendas comunitarias e apartamentos tutelados
- ED-7 Tratamentos de rehabilitación
- ED-8 Respiro familiar
- ED-9 Centros especiais de emprego
- ED-10 Programas de inserción laboral que inclúan itinerarios personalizados, accións de formación específica, atención e seguimento individualizado.
- ED-11 Programas de acción tutelar
CONCESIÓNS
Pode consultar as concesións de subvencións do programa F.O.A.X.E. (mantemento de servizos sociais) dos últimos anos nas seguintes ligazóns:
Pode consultar as concesións de subvencións do programa F.O.I.E. (investimento de servizos sociais) dos últimos anos nas seguintes ligazóns: