Capacitación dixital para a detección de violencias sexuais
Ponse en marcha o desenvolvemento de 10 obradoiros de capacitación dixital para a detección das violencias sexuais dirixido a persoas con diversidade funcional, sensorial e cognitivo xa que detéctase que o fenómeno de dixitalización traspasa cuestións básicas requirindo da adquisición de competencias dixitais e supoñendo un importante factor de desigualdade.
A fenda dixital de xénero ou a violencia en liña contra mulleres e nenas representan outra cara da desigualdade; o doxing, o grooming, a sextorsión, etc implican violencias mais alá do ámbito virtual.
A dixitalización ofrece unha morea de posibilidades, pero tamén ameazas, especialmente cando falamos de colectivos vulnerables, como é o caso de mulleres con algún tipo de discapacidade.
Os obxectivos principais desta acción formativa son:
• Visibilización e identificación das violencias sexistas na rede, das que ás
veces non somos conscientes.
• Sensibilización e prevención, fomentando un bo uso da tecnoloxía e
promovendo actitudes de rexeitamenta a situacións de acoso e abuso.
• Apoderamento das nenas e mulleres con discapacidade
• Uso igualitario e inclusivo das TIC, cun enfoque crítico e construtivo.
• Abordaxe de contidos dixitais básicos fomentando un uso responsable e
seguro das tecnoloxías.
Obradoiros programados:
- venres 5 de xullo- AVANTE ASOC. DE PERSOAS CON DISCAPACIDADE- Val do Dubra
- luns 8 de xullo- ASOCIACIÓN MISELA- Noia
- martes 9 de xullo- ASOCIACIÓN AMARAI- Boimorto
- xoves 11 de xullo- ASOCIACIÓN ASPADEX- Cee
- venres 12 de xullo - AMICOS- Boiro
- martes 16 de xullo- ASOCIACIÓN NUESTRA SEÑORA DE CHAMORRO-Narón
- xoves 18 de xullo- ASPROMOR - Ortigueira
- venres 19 de xullo- ASPADISOL -Oleiros
- martes 30 de xullo- PAI MENNI- Betanzos
- xoves 1 de agosto- AMBAR- Ribeira
Estes obradoiros poden contribuir a que o medio dixital sexa accesible e seguro para toda a cidadanía e en especial para as persoas con necesidades especiais.
