Información relativa ao IVTM
Para dar de alta un vehículo novo deberá entrar na ligazón da nosa OVT (opcións sen certificado dixital) e xerar unha autoliquidación polos trimestres completos do ano nos que o vehículo vai estar de alta en tráfico.
O IVTM ten que pagalo o propietario do vehículo o día 1 de xaneiro de cada ano, data de devengo do imposto, sen que se poida realizar ningún prorrateo.
En caso de baixa definitiva do vehículo, o importe do imposto ratearase por trimestres naturais completos, polo que se pagarán os trimestres nos que o vehículo estivese dado de alta en tráfico.
En caso de baixa temporal do vehículo, só se ratea o imposto se a baixa é por roubo ou subtracción deste.
Todos os vehículos aptos para circular teñen que pagar o imposto. Os concellos poden aprobar nas súas ordenanzas fiscais unha bonificación por antigüidade, que pode chegar ao 100% da cota pero non é obrigatoria.
Para obter información dos beneficios fiscais de IVTM pode consultar na seguinte ligazón
A solicitude dos beneficios fiscais que xestiona a Deputación da Coruña, por delegación dos concellos, poderá presentarse:
Telematicamente con certificado dixital ou Cl@ve a través de nosa Oficina Virtual Tributaria ou da nosa Sede Electrónica
- Presencialmente nunha das nosas oficinas (https://www.dacoruna.gal/atencion-cidada/canle-atencion/canle-atencion/#Atencion+ao+Contribuinte).Pode solicitar cita previa en https://www.dacoruna.gal/cita-previa ou chamando ao teléfono 981 415 900
A través de calquera dos medios de rexistro establecidos na Lei de procedemento administrativo
Para obter información dos beneficios fiscais de IVTM pode consultar na seguinte ligazón
IMPORTANTE: Se realiza un cambio de domicilio do vehículo e o concello de tributación cambia, ten que solicitar os beneficios fiscais no novo concello.