eBiblioDaCoruna
Qué e a eBiblioDaCoruna
eBiblioDaCoruna é a plataforma gratuita de préstamo dixital de libros, películas, audiolibros, e outros contidos dixitais das máis variadas temáticas, que a Deputación da Coruña pon en servizo para todas as persoas usuarias de calquera biblioteca pública municipal da provincia da Coruña ou da Deputación.
Está dispoñible a través de calquera navegador web, e tamén a través da app eBiblioDaCoruna dispoñible para Android, iOS e Huawei.
Quero darme de alta
Para poder utilizar a biblioteca dixital eBiblioDaCoruna é necesario unhas condicións mínimas:
- Ser usuaria/o de calquera biblioteca pública da provincia da Coruña
- Dispor dun enderezo electrónico.
- Ter un ou máis dispositivos para ler (ordenador persoal, teléfono móbil, tableta ou lector de libro electrónico)
Alta na biblioteca dixital
Comezar na eBiblioDaCoruna
Unha vez que fagas a inscrición, procesaremos a túa alta e recibirás unha mensaxe de correo electrónico no enderezo que indicaras na túa solicitude para establecer o teu contrasinal e, a partir dese intre, poderás gozar da totalidade dos servizos que ofrece eBiblioDaCoruna. Tes diferentes maneiras de facer uso da biblioteca dixital eBiblioDaCoruna:
1. Desde o navegador web
Visualización dos contidos en tempo real, sen necesidade de descarga a través de calquera dispositivo.
É posible ler os teus ebooks en préstamo directo e comodamente a través do navegador do teu ordenador persoal ou do navegador doutros dispositivos.
Para iso, só é necesario iniciar sesión no apartado “Identificarse”, introducir o correo electrónico e contrasinal, e unha vez dentro da eBiblioDaCoruna buscar o contido desexado e pulsar sobre o botón “Prestar” e logo "Ler" que aparece xunto a cada un dos contidos dixitais.
Poderás consultar o catálogo completo da eBiblioDaCoruna no enderezo https://ebiblio.dacoruna.gal
2. A través da App da Biblioteca
A App da eBiblioDaCoruna permíteche prestar contidos dixitais no teu teléfono intelixente ou tableta, navegar polo catálogo da biblioteca, pedir prestados documentos ou poñelos en espera, descargar e devolver títulos, así como tomar notas, poñer marcadores e moito máis.
A App está dispoñible para iOS (a partir de iOS 15), Android e Huawei (a partir de 5.1 en ambos casos).
Características
A aplicación de lectura eBiblioDaCoruna permite tomar en préstamo calquera título dispoñible no catálogo da biblioteca e descargalo ao dispositivo móbil nun só clic.
A aplicación está optimizada para dispositivos iOS, Android e Huawei e mellora a experiencia do usuario grazas á súa interface sinxela e fácil de usar.
Desde a app poderás navegar polo catálogo, realizar préstamos e reservas, ler en liña e descargar libros para ler sen conexión a internet.
O lector que inclúe a aplicación permite personalizar a lectura cambiando o tipo, tamaño e espazo da letra. Ademais permite axustar o brillo da pantalla e seleccionar a cor do fondo.
Podes enlazar ata un máximo de 6 dispositivos diferentes, iniciando a lectura en calquera deles e continuando noutro diferente retomándoa no punto exacto en que a deixaches.
Descarga a aplicación
A aplicación da eBiblioDaCoruna está dispoñible de xeito gratuíto nas seguintes tendas de aplicacións: APP Store, Google Play e Huawei AppGallery.
Despois de descargala e instalala, necesitarás introducir o teu correo e contrasinal. Non esquezas aceptar os termos e condicións de uso do servizo.
3. Lectura mediante descarga nun e-reader
Neste caso, precisas configurar unha conta Adobe ID e instalar no teu ordenador a aplicación Adobe Digital Editions (Instrucións e titorial). Unha vez descargado, debes localizalo onde o teñas gardado, facer doble clic sobre el e seguir os pasos para finalizar a descarga.
A continuación, fai clic no apartado superior de "Axuda" e selecciona "Autorizar equipo".
No despregable de "Provedor" selecciona "Odilo".
No apartado ID de provedor e contrasinal, inserta as mesmas credenciais coas que accedes á plataforma.
Fai clic no botón de "Autorizar".
Agora xa podes descargar libros electrónicos da eBiblioDaCoruna ao Adobe Digital Editions, e deste pasalos ao teu lector de libros dixitais.
CÓMO DESCARGAR E INSTALAR ADOBE DIGITAL EDITION
Feito esto, conecta o teu lector de libros electrónicos ao teu ordenador. Se o teu lector é compatible co programa (consulta aquí o listado de lectores compatibles), Adobe Digital Editions vaino detectar automáticamente e mostralo no apartado Dispositivos da ventá principal. Os dispositivos Kindle non son compatibles.
Unha vez feito isto, xa podes ir á eBiblioDaCoruna, buscar o recurso que che interesa, darlle a "Prestar" e logo premer no despregable ao lado de "Ler" e seleccionar "Descargar para Adobe Digital Editions".
Vaise descargar o arquivo ao teu ordenador que tes que abrir co programa Adobe Digital Editions.
En "Todos os elementos" podes premer co botón dereito sobre a lectura descargada, seleccionar "Copiar en equipo/dispositivo" e logo premer no nome do teu lector. A lectura copiarase ao teu lector.
Se queres devolver o préstamo, unha vez que o tes descargado ao Adobe Digital Editions xa non podes facer a devolución desde a túa conta da eBiblioDaCoruna nin desde o lector, hai que facelo desde o Adobe Digital Editions. Premes co botón dereito enriba do arquivo e seleccionas "Devolver elemento prestado".
Préstamo, lectura, devolución e reserva
Para localizar os recursos do teu interese no catálogo podes buscar os materiais nos carruseis (desprazándote lateralmente ou despregándoo completamente pulsando no +), por materias (no menú despregable) ou no buscador que permite a busca por título, autor, ISBN ou ben mediante filtros de temáticas especiais.
Para acceder ó servizo lembra que tes que identificarte introducindo o usuario e o contrasinal, ou acceder á aplicación no teu dispositivo móbil.
Préstamo
É posible tomar contidos dixitais en préstamo independentemente do número de exemplares en préstamo noutros soportes na Biblioteca Provincial da Deputación da Coruña.
- Podes tomar en préstamo ata un máximo de cinco contidos dixitais de forma simultánea.
- O prazo de préstamo depende do material do que estamos facendo uso. Para os libros dixitais o prazo máximo é de 21 días, as revistas 1 día, as películas 3 días, os xornais 3 horas, os audios e contido educativo 21 días. Sen posibilidade de renovación.
Devolución
Unha vez finalizado o prazo de préstamo, o contido deixará de ser accesible dende os teus dispositivos. Se queres volver collelo prestado, debes esperar 24 horas. No caso no que estea reservado por outra persoa, tes que reservalo e agardar a túa quenda para volver collelo prestado.
É posible devolver préstamos antes da data prevista sempre que:
- Non descargaras o libro dixital desde o teu ordenador ou mediante Adobe Digital Editions. Nese caso, a devolución só podes facela desde o propio Adobe Digital Editions, premendo sobre a lectura co botón dereito e seleccionando "Devolver elemento prestado".
- Non efectuaras máis de dúas devolucións anticipadas nos últimos 21 días.
Reserva
Se o título do teu interese está prestado, poderás reservalo para desfrutar del cando estea dispoñible:
- Seguirase a orde de petición para as reservas.
- É posible reservar ata un máximo de cinco conidos dixitais de forma simultánea.
- No momento en que o contido dixital estea dispoñible e che corresponda por orde de petición, recibirás unha mensaxe de correo electrónico cunha ligazón para confirmar o préstamo:
- Disporás de 48 horas para confirmar o préstamo, transcorridas as cales sen confirmar o préstamo, a reserva pasará automaticamente ao seguinte lector/a en espera.
- En caso de que no momento de activarse a reserva tiveses en préstamo o número máximo de ebooks por lector, non recibirás a mensaxe de aviso e a reserva pasará automaticamente ao seguinte lector/a en espera.
Por favor, comproba a túa caixa de correo electrónico non desexado e a configuración de filtrado deste, xa que os avisos de reserva poderían ser tratados erroneamente como correo non desexado e, a consecuencia del, poderías perder a túa reserva.
Tamén é posible aceptar a reserva desde a túa conta e desde a app, ademais de que podes activar a opción «Aceptar automaticamente todas as reservas» desde o apartado «Reservas» da túa conta. Deste xeito, cando chegue a túa quenda na lista de reserva, o libro prestarase automaticamente na túa conta, sempre e cando non teñas xa 5 contidos prestados nese momento
Accesibilidade
Co obxectivo de que todas as persoas lectoras poidan adaptar o contido ás súas necesidades, implementáronse varias opcións para adaptar o contido ás preferencias de lectura.
"Text to speech" ou conversión de texto a voz: tanto desde a visualización no navegador web como desde a app, poder converter calquera texto en voz.
"OpenDyslexic": premendo no panel de configuración mentres les, e seleccionando "Opcións de lectura", podes atopar o tipo de fonte "OpenDyslexic" que foi especialmente deseñada para persoas con dislexia.
Control por voz: habilitando o micrófono do teu dispositivo, poderás interactuar coa lectura, por exemplo mediante os seguintes comandos: Reproducir, Pausar, Continuar.
Na app da eBiblioDaCoruna pódense activar as melloras de accesibilidade no apartado "Máis" e logo indo a "Axustes" e "Accesibilidade", onde se pode implementar un tema de alto contraste ou iniciar a interface accesible.
Personalizar a lectura
Podes personalizar a túa experiencia na lectura e adaptar os libros ás túas preferencias. Mentras les, xa sexa no ordenador ou a través da app para móbiles da eBiblioDaCoruna, podes modificar:
- O tipo de fonte
- O tamaño da fonte
- A distancia do interliñado
- A cor de fondo
- A cor do fondo da páxina
Tamén poderás engadir marcadores e notas para marcar fragmentos importantes ou remarcar citas interesantes. Estes marcadores e notas só serán visibles para ti.
Outras opcións na túa área de usuario/a
Listas: podes crear listas de lecturas pendentes de ler, ou recomendadas, ou por temáticas... e engadir recursos para acceder a eles de xeito rápido. Podes deixar as listas privadas ou públicas para que outras persoas tamén accedan a elas.
Suxestións de contido: poderás buscar recursos do teu interese e suxerir que se merquen para a eBiblioDaCoruna. Se finalmente se acepta a suxestión de contido, recibirás unha mensaxe de correo electrónico informándote de cando está dispoñible.
Historial: amosa todos os títulos que prestaches desde que fas uso da eBiblioDaCoruna, así poderás comprobar se un título do teu interese xa o liches ou non.
Retos: poderás deseñar desafíos persoais. A través do menú de "Crear novo reto" poderás elixir entre o número de horas que marcas como obxectivo para dedicarlle á lectura, ou ben o número de títulos consumidos, é dicir o número de lecturas que te marcas como obxectivo ler durante un período.
A miña conta: poderás verificar a información relacionada coa túa conta e configurar preferencias persoais.
Axustes: aquí podes seleccionar se queres que as descargas se fagan efectivas de xeito automático ou só con rede wifi, se as reservas queres que se acepten automáticamente, cambiar o idioma da plataforma, etc.
Preguntas frecuentes
¿Podo ler un recurso desde máis dun dispositivo?
Sí, podes ter ata 6 dispositivos enlazados que se sincronizan automáticamente sempre que teñan conexión á Internet.
¿Qué ocorre se en vez de "Prestar" vexo o botón "Reservar"?
Quere dicir que todos os exemplares están prestados, e hai que agardar a quenda por orde para acceder á lectura ata que a eBiblioDaCoruna avise da dispoñibilidade.
¿Podo devolver os recursos antes de tempo?
Sí. Os recursos desaparecen automáticamente cando xa pasou o periodo límite de préstamo, que sempre aparece indicado ao lado do recurso prestado. Porén, se os queres devolver antes, podes facelo sen problema. Lembra que se é un recurso que descargaches ao teu ordenador para o Adobe Digital Editions, só podes facelo a través deste programa.
¿Hai penalización por devolver un recurso fóra de prazo?
Non hai posibilidade de que isto ocorra, posto que o contido devólvese de xeito automático unha vez que finaliza o período de préstamo.
¿Podo facer copia de pantalla ou imprimir as páxinas dos libros electrónicos?
Por dereitos de Copyright non hai opción de copiar pantalla nin imprimir as páxinas.
¿Hai contido noutros idiomas?
Sí, hai recursos en diferentes idiomas, no buscador podes filtrar por idioma.
Se teño un problema, ¿con quén contacto para solucionalo?
Se tes un problema co contido, na portada atoparás a opción de informar do problema. Este informe vai directamente ao soporte técnico da plataforma, polo que a Biblioteca da Deputación non ten coñecemento desta cuestión. Se desexas que a Biblioteca intermedie no problema, escribe un correo coa túa incidencia a biblioteca.info@dacoruna.gal.
Dinamización
- Boletín de novas mensual
Boletin novidades dixital abril 2024.pdf
- Actividades de visibilización
- #EuLeoEnDixital: campaña de animación á lectura
Vídeo realizado para promocionar EbiblioDacoruna no que Carmen Gundín, lectora e usuaria da Ebiblioteca no que conta as vantaxes da plataforma e a facilidade e comodidade para usala.
Contacto coa EbiblioDaCoruna
A eBiblioDaCoruna está xestionada pola Biblioteca Provincial da Deputación da Coruña.
Na rede podes atopala no enderezo https://ebiblio.dacoruna.gal
Fisicamente encóntrase localizada en R/ Riego de Agua 37, 15001 na Coruña.
Para dúbidas ou consultas sobre o funcionamento podes contactar con nós no enderezo electrónico biblioteca.info@dacoruna.gal e tamén no teléfono 981 080 176 en horario de apertura da biblioteca.
