Arredor dos libros
Que é Arredor dos libros?
Arredor dos libros é un club dixital de lecturas en galego. Nel procúrase unha programación centrada no noso idioma, ou de autoría galega, que recolla as diferentes manifestacións literarias actuais e clásicas.
A actividade ten como fin promover a lectura en galego e poñer en valor aos creadores que a fan posible.
Para poder formar parte deste club de lectura virtual é preciso primero formar parte da biblioteca dixital eBiblioDaCoruna que é a biblioteca dixital da Deputación da Coruña para todas as bibliotecas públicas municipais da provincia da Coruña.
Pertencer ao club Arredor dos libros non ten ningún custo, e está aberto a que podas usalo as 24 horas do día, os 365 días do ano.
Está moderado por una persoa cualificada e conta co soporte técnico e dinamización do persoal da Biblioteca da Deputación.
Como acceder
Para acceder só precisas cumprir os seguintes requisitos:
Estar dado/a de alta na plataforma de préstamo dixital eBiblioDaCoruna. Date de alta, de balde, aquí
Ter un dispositivo para ler con acceso á Internet: móbil, ordenador, tableta...
Se as cumpres, podes entrar no club Arredor dos libros dende o teu dispositivo.
Identifícate coas túas claves da eBiblioDaCoruna no apartado "Iniciar sesión".
Se non lembras o teu contrasinal, podes recuperalo dende o apartado de "Iniciar sesión" (debaixo da caixa para introducir o teu usuario e contrasinal).
As persoas que usan a app da eBiblioDaCoruna tamén teñen un acceso directo dentro da área de usuario ao "Club de lectura e espazo de aprendizaxe" que conecta directamente co club Arredor dos libros.
Unha vez dentro, se queres cambiar o nome que te identifica para as demais persoas participantes no club, podes facelo premendo no teu nome (arriba á dereita da pantalla), e logo en "Axustes". Aí podes cambiar o nome e a imaxe, se o desexas.
Como participar e que podes facer
Na páxina de inicio da eBiblioDaCoruna tes as salas de lectura dispoñibles. Tamén podes acceder desde o botón que aparece na parte superior da páxina (CLUB DE LECTURA E ESPAZO DE APRENDIZAXE), ou a través do enderezo https://ebiblioclub.dacoruna.gal/
En cada un dos clubs ou salas, tes un botón de "Iniciar experiencia". Elixe o club ou clubs que prefiras e accede através do botón.
Automáticamente aparecerá «Abandonar club». Que teñas esta opción indica que xa estás dentro. Este paso só o tes que facer a primeira vez que te unes, porque xa quedas «rexistrada/o» ata que decidas abandonar ou finalizar a experiencia.
Agora preme na portada do libro que apareza en primeiro termo e xa accedes directamente ao club.
Aconsellámosche gardar en favoritos (preme no corazón que aparece ao lado do título do club) así seráche máis sinxelo acceder nos seguintes veces.
Explicamos as lapelas das que consta o club Arredor dos libros:
Información
Nesta pestana de información atoparás unha rápida descrición da sala de lectura na que te atopes e a programación de lecturas para o período en vigor. Ademais, tamén tes o contacto para facernos chegar as túas dúbidas respecto ao funcionamento da plataforma.
Actividade
Nesta pestana, que só é informativa, atoparás un resumo de toda a actividade que tivo o club, nunha liña temporal: comentarios, participación no chat, fitos temporais que estableza a moderadora, etc. Podes elixir ver a actividade de todo o club, ou ben dunha lectura en concreto, seleccionando no despregable.
Contido
Na pestana de Contido podes ver a descrición do libro que se está lendo nese momento no club, as datas fixadas para rematar cada capítulo (son orientativas), o encontro programado co autor ou autora de ser o caso, e podes prestar o libro desde o botón habilitado para o efecto. Isto só é necesario se queres un exemplar do libro dixital que che proporcionamos. Se o vas ler nun exemplar que ti xa teñas ou en papel, non é necesario que o collas en préstamo.
Unha vez que o colla prestado, tes a opción de "Ler" (en liña) ou "Descargar" (para descargalo no teu dispositivo e ler sen conexión a Internet). En adiante, a lectura sincronízase coa eBiblioDaCoruna, polo que cando queiras ler este libro podes facelo de varias maneiras: entrando na páxina web do Club, ou ben na páxina web da eBiblioDaCoruna, ou ben na App eBiblioDaCoruna se a tes instalada nos teus dispositivos.
Á dereita tes un histórico onde se van ir engadindo os libros xa finalizados no Club Tinta e equidade.
Foro
Aquí a persoa que modera o club abrirá diferentes conversas ou fíos. Desde esta pestana podes ver todos os fíos que abreu sobre a lectura, e se premes en cada fío podes ler as respostas das persoas participantes e participar ti tamén deixando a túa achega. É o lugar no que se debate sobre o libro.
Citas
Nesta pestana podes engadir citas do libro que che parezan interesantes. Para facelo, debes ter o libro dixital prestado e lelo desde o propio club. Cando estés lendo no teu dispositivo, selecciona a frase que queiras compartir. Automáticamente vaiche saír a opción de "Compartir". Podes compartir só a cita, ou engadir un comentario persoal de por qué compartes esa cita, qué che transmite, etc.
Tamén verás as citas que comparten o resto de participantes na sala.
Chat
Nesta pestana pódese conversar de xeito informal con todas as persoas participantes, ou ben con unha en concreto. Habitualmente úsase para comentar cuestións á marxe dos fíos que a moderadora abre na pestana "Foro". Recomendacións doutras lecturas, experiencias con outras obras similares ou da mesma autoría, saudar, compartir dúbidas... Todo aquilo que teña que ver co club e che apeteza compartir co resto de lectores.
Estatísticas
Nesta pestana poderás controlar a porcentaxe que levas lida do libro e o tempo investido na lectura, sempre e cando esteas a ler o libro dixital.
Sobre a autora ou autor
A persoa que modera o club Arredor dos libros pode engadir pestanas adicionais con información sobre a lectura e o autor ou autora, información que pode axudar a situar o libro na súa traxectoria vital e literaria, no seu contexto histórico, e achegar datos relacionados que afonden no coñecemento sobre a obra que estamos a ler.