Estás en:Biblioteca De cero a dezaoito

De cero a dezaoito

Bbtk Infantil

Localización: está situada no segundo andar do edificio da Biblioteca da Deputación da Coruña, na rúa Rego de Auga, 37 (edificio do Teatro Rosalía de Castro)
Contacto: Teléfono: 981 080 174 / Correo electrónico: biblioteca.bebeteca@dacoruna.gal
Horario de atención ao público da Bbtk Infantil (De luns a venres):
Tardes: de 15:30 a 20:15 h.

Biblioteca Xuvenil

Está situada no andar cero do edificio da Biblioteca da Deputación da Coruña, na rúa Rego de Auga, 37 (edificio do Teatro Rosalía de Castro)
Teléfono: 981 080 171
Correo electrónico: biblioteca.infantilxuvenil@dacoruna.gal
Horario de atención ao público:

De luns a venres:

Mañás: 10.30 – 13.30 h.

Tardes: 17.00 – 20.15 h.

Que me ofrece a biblioteca ?

Poder ler, facer traballos ...
Poder levar a casa libros, cómics, música, revistas, películas, xogos de ordenador...
Reservar o material que che interesa que está prestado
Resolver calquera dúbida que teñas.
Participar nas actividades que se realizan ao longo do ano.
Acceder a internet. (Bilblioteca Xuvenil)
Xogar á Play Station 3. (Biblioteca Xuvenil)
Facer fotocopias (respectando os dereitos de autor)

Que podo levar en préstamo?
Se tes o carné de socio da Bbtk Infantil ou da Biblioteca Xuvenil podes levar todo menos enciclopedias, diccionarios e libros que teñan pezas e/ou pilas.

E cantos?
Como máximo 3 libros, 1 revista, 2 DVD, 1 CD-ROM e 1 CD.

Canto tempo?
Durante 15 días renovables outros 15 sempre que non te pases da data.

Para renovar tes tres opcións:

Acudir á biblioteca.
Chamar por teléfono: 981.080.171 para a Biblioteca Xuvenil e 981.080.174 para a Bbtk Infantil.
A través do catálogo, na web, desde o apartado acceso a miña conta.

Que pasa se me atraso ao devolver algo?
Pois que serás sancionado sen poder levar nada para casa tanto tempo como o que te atrasaches.

E se perdo ou estrago o material?
Terás que mercar outro igual.

E por último...
Para poder gozar da Biblioteca debemos coidar o material, non molestar aos demais e non comer nin beber na sala.

CARNÉ DA BIBLIOTECA PROVINCIAL_Infancia e Mocidade

Para obter o carné da biblioteca en liña podes facelo enchendo o seguinte formulario (Impreso socios.pdf)

Para obter o carné de infantil e xuvenil de xeito presencial é preciso:

- Encher a solicitude na Bbtk Infantil( para menores de 9 anos) no 2º andar da biblioteca

- Encher a solicitude na Biblioteca Xuvenil (de 9 a 18 anos) na planta baixa da biblioteca

- O interesado achegará 1 fotografía tamaño carné
- O pai/nai ou titor/titora unha fotocopia do D.N.I.

Para darse de alta ao mesmo tempo no servizo da EbiblioDaCoruna, terás que encher o formulario

Alta na EbiblioDaCoruna

Na Bbtk Infantil e na Biblioteca Xuvenil podes atopar libros, películas, música, xogos de ordenador, revistas...

Entrar no catálogo

A distribución na Bbtk Infantil fíxose atendendo a:

Tipo de material: libros, películas, música, xogos de ordenador, revistas
Contido: información, narrativa, poesía, teatro
Idade para a que están recomendados:

Na Bbtk Infantil están as cores:
- Rosa (para nenos e nenas ata os 3 anos)
- Zoo: con libros de animais
- Bebé: con libros que tratan sobre o corpo e as emocións do cativos
- Aprender: onde atopamos os libros de números, cores, formas...
- Xogar: con libros de sons, quebracabezas, solapas...
- Mundo: con libros sobre o ámbito que rodea os pequechos.
- Te cuento: onde estarían os contos propiamente ditos
- Azul (para nenos e nenas de 3 a 7 anos)
- Vermello: para nenos/as de 7 a 9 anos

E na Biblioteca Xuvenil atopamos as cores:

- Verde: para nenos/as de 9 a 11 anos
- Amarelo: para nenos/as de 12 a 14 anos
- Morado: para mozos/as de 15 a 18 anos